गट ग्रामपंचायत खेडी (गो. गो.) मन्नाथ

भौगोलिक परिसर

खेडी (गो. गो.) मन्नाथ हे गाव नरखेड तालुका, जिल्हा नागपूर येथे स्थित आहे. गाव निसर्गरम्य परिसरात वसलेले असून शेतीप्रधान आहे. येथील लोक प्रामुख्याने शेती, पशुपालन व लघुउद्योगावर अवलंबून आहेत.

उत्तरेला मसोरा, दक्षिणेला पिपळा, पूर्वेला खेडी गोगो, पश्चिमेला येनिकोनी गाव आहे.

गावाचे क्षेत्रफळ अंदाजे ३४९ चौ.किमी असून जमीन सुपीक आहे.

शैक्षणिक सुविधा

गावात प्राथमिक आणि माध्यमिक शाळा तसेच अंगणवाडी केंद्र आहे. एकूण ३ अंगणवाड्या आणि ३ प्राथमिक शाळा (१ ली ते ४ थी) कार्यरत आहेत.

माध्यमिक शिक्षणासाठी राऊत विद्यालय उपलब्ध असून येथे ५ वी ते १० वी पर्यंत शिक्षण दिले जाते.

उच्च शिक्षणासाठी विद्यार्थी सिंदी (उमारी), सावरगाव, काटोल आणि नागपूर येथे जातात.

आरोग्य सुविधा

गावात प्राथमिक आरोग्य उपकेंद्र कार्यरत आहे. लसीकरण, मातृ-बाल आरोग्य सेवा, तपासणी व प्राथमिक उपचार येथे दिले जातात.

आशा सेविका व अंगणवाडी सेविका आरोग्य जनजागृती, घरभेटी, तपासणी कार्यात सक्रिय असतात.

गंभीर उपचारांसाठी नरखेड, सावरगाव, काटोल व नागपूर येथे मोठ्या हॉस्पिटल्सची सुविधा उपलब्ध आहे.

धार्मिक व सांस्कृतिक स्थळे

गावात श्री दादाजी धुनीवाले देवस्थान, हनुमान मंदिर, विठ्ठल मंदिर आणि बौद्धविहार आहेत.

बौद्धविहार येथे ध्यान, धम्मचक्र दिन, सामाजिक कार्यक्रम आयोजित होतात.

ग्रामदैवताची वार्षिक यात्रा मोठ्या उत्साहात साजरी होते. भजन-कीर्तन, पालखी मिरवणूक, सांस्कृतिक कार्यक्रम यांचा समावेश असतो.

दीपावली, दसरा, होळी, गणेशोत्सव, एकादशी इ. सण सर्वजण एकत्र येऊन साजरे करतात.

वाहतूक व संपर्क सुविधा

गावाला नरखेड, सावरगाव, काटोल यांच्याशी थेट रस्ते जोड आहेत. रोज ST बसेस उपलब्ध आहेत.

जवळची रेल्वे स्थानके: नरखेड आणि काटोल. नागपूरसह प्रमुख शहरांकडे गाड्या उपलब्ध आहेत.

गावातील सर्व आंतरिक रस्ते पक्के आहेत. मोबाइल नेटवर्क व इंटरनेटही उपलब्ध आहे.

जलसंपत्ती व सिंचन

तलाव, विहिरी, बोअरवेल, नळयोजना यांच्या माध्यमातून पिण्याचे व शेतीचे पाणी उपलब्ध केले जाते.

जलसंधारणासाठी शेततळे, गाळकूप, ओढे खोलीकरण, बांधारे प्रकल्प सातत्याने राबवले जातात.

ठिबक व तुषार सिंचन तंत्रज्ञानाचा वापर प्रोत्साहनाने केला जातो.

उद्योग व रोजगार

गावातील मुख्य व्यवसाय शेती आहे. कापूस, सोयाबीन, हरभरा, भाजीपाला शेती होते.

दुग्धव्यवसाय, कुक्कुटपालन, शेळीपालन हे पूरक व्यवसाय लोकप्रिय आहेत.

तरुण बांधकाम, इलेक्ट्रिक, वर्कशॉप, मोबाईल रिपेअरिंग सारख्या कौशल्याधारित कामात कार्यरत आहेत.

महिला बचतगट पाककला, शिवणकाम, हस्तकला उपक्रमांद्वारे आर्थिकदृष्ट्या सक्षम होत आहेत.

प्रशासकीय विभाग

खेडी गोगो मन्नथ ग्रामपंचायत ही स्थानिक स्वराज्यातील एक प्रमुख संस्था आहे.

सरपंच, उपसरपंच, सदस्य व ग्रामसेवक यांच्या सहकार्याने गावाचा विकास आराखडा, पाणीपुरवठा, स्वच्छता, सामाजिक योजना प्रभावीपणे राबवतात.

नागरिकांच्या तक्रारींचे निराकरण, बैठका, कल्याणकारी योजना, व पारदर्शक प्रशासन हे ग्रामपंचायतीचे ध्येय आहे.